اردو یونیورسٹی میں آج امبیڈکر اور مسلمان پر سمپوزیم

حیدرآباد،13 ؍مئی (پریس نوٹ) مولانا آزاد نیشنل اردو یونیورسٹی ، البیرونی مرکز برائے مطالعہ سماجی اخراج و شمولیت پالیسی اور مانو ایس سی / ایس ٹی اور اقلیتی تدریسی عملہ اور طلبہ کی جانب سے 14؍ مئی 2015ء کو 3 بجے دن سید حامد سنٹرل لائبریری آڈیٹوریم میں ڈاکٹر بی آر امبیڈکر کے 125 ویں یوم پیدائش جشن کے موقع پر ایک سمپوزیم ’’ڈاکٹر بی آر امبیڈکر اور مسلمان‘‘ کا اہتمام



کیا جارہا ہے۔ پروفیسر پردیپ ناگو راؤ اگلیو، ڈائرکٹر، شعبۂ امبیڈکر تھواٹ ، ناگپور یونیورسٹی، ناگپور مہمانِ خصوصی ہوں گے جبکہ جناب آر سبا راؤ، آئی اے ایس (ریٹائرڈ) سکریٹری ایس سی، ایس ٹی کمیشن، آندھرا پردیش و تلنگانہ جناب جے بی راجو، دلت سینا، جناب جی رامولو ، سی پی آئی (ایم) مہمانانِ اعزازی ہوں گے۔ پروفیسر خواجہ محمد شاہد، نائب شیخ الجامعہ، اردو یونیورسٹی صدارت کریں گے۔